ESPN tarixdagi eng yaxshi erkin agentga aylangan futbolchilar reytingini e’lon qildi. Birinchi o‘rinni 2014 yilda Dortmundning "Borussiya" klubidan "Bavariya"ga erkin agent sifatida o‘tgan polshalik hujumchi Robert Levandovski egalladi. Myunxen jamoasi tarkibida 275 uchrashuvda 230 ta gol urdi. Ikkinchisi 2011 yilda "Milan"dan "Yuventus"ga o‘tgan yarim himoyachi Andrea Pirlo edi. Kuchli uchlikka shuningdek 2001 yilda "Tottenxem"ni "Arsenal"ga almashtirgan himoyachi Sol Kempbell ham kiritilgan.
ESPN versiyasi bo‘yicha bir klubdan boshqasiga erkin agent sifatida o‘tgan futbolchilar 10 taligi quyidagicha:
1. Robert Levandovski ("Borussiya" / "Bavariya", 2014)
2. Andrea Pirlo («Milan» / «Yuventus», 2011)
3. Sol Kempbell ("Tottenxem" / "Arsenal", 2001)
4. Luis Enrike ("Real Madrid" / "Barselona", 1996)
5. Roberto Badjo ("Milan" / "Bolonya", 1997, "Inter" / "Breshiya", 2000)
6. Stiv Makmanaman (Liverpul / Real Madrid, 1998)
7. Rud Gullit ("Sampdoriya" / "Chelsi", 1995)
8. Xenrik Larsson ("Seltik" / "Barselona", 2004)
9. Jeyms Milner ("Manchester Siti" / "Liverpul", 2015)
10. Esteban Kambiasso («Real», «Inter», 2004 yil, «Inter / Lester», 2014)
