Viktor Karpenko murabbiyligidagi «Bunyodkor» o‘rinbosarlari darvozaboni Jasurbek Umrzoqovning karantinni qanday o‘tkazayotgani haqidagi fikrlari bilan qiziqdik.

"Karantinda bo‘lsakda kunimni beunum o‘tmasligi uchun harakat qilyapman. Jumladan, ertalab tongda 4-5 kilometr kross yuguryapman. Tanani uyg‘otish uchun yengil mashqlarni bajaryapman. Tushdan so‘ng jismoniy mashg‘ulotlarga e’tibor qaratyapman. Qolaversa, kun davomida uy ishlarida oila a’zolarimga qarashyapman. Hovlimizda gulzor bor. Shu gulzorning parvarish ishlari bilan bandman. Shuningdek, kitob o‘qib, hordiq chiqaryapman. Qisqasi, karantin bo‘lsa-da, kunimni bekor o‘tmasligini uchun harakatdaman.

Albatta, mashg‘ulotlar rejasini jamoamizning darvozabonlar murabbiyi Marat aka Galimov bilan birgalikda tuzib chiqqanmiz. O‘ylashimcha, uy sharoitida mashg‘ulot o‘tkazib, jismoniy holatni bir maromda ushlab tursa bo‘ladi. Har holda kunlik mashg‘ulotlardan keyin o‘zimni yaxshi his qilyapman. Aytgancha, to‘p bilan ishlash borasida ham muammoga duch kelayotganim yo‘q. Akalarim o‘z vaqtida futbol o‘ynagan. To‘p bilan ishlanadigan mashg‘ulotlarda akalarim yordam beryapti", — dedi darvozabon.