Angliya premyer-ligasi rahbariyati, agar mavsum davom ettiriladigan bo‘lsa, klublarga 5 nafardan o‘yinchi almashtirishga ruxsat berishga tayyor. Bu haqda "The Sun" xabar tarqatdi.

APL deyarli ikki oydan beri to‘xtatib qo‘yilgan. Chempionat qayta davom ettirilganidan keyin futbolchilar jismoniy jihatdan eng yaxshi formada bo‘lishmaydi. Natijada ularning jarohat olish ehtimoli oshadi.

Avvalroq ushbu taklif FIFA tomonidan vaqtinchalik chora sifatida taklif etilgan edi. Agar mazkur chora ma’qullancha, APL klublarining o‘zlari bundan foydalanish yoki foydalanmaslik masalasini hal qilishadi.

Manbada ta’kidlanishicha, gap maydonga tushadigan yangi 5 o‘yinchi haqida ketmayapti. Balki jamoalarga qayta o‘yinchi almashtirish imkonini berish orqali almashtirishlar sonini 5taga yetkazish ko‘zda tutilmoqda (ya’ni, zaxiraga olingan o‘yinchi ma’lum vaqtdan keyin yana maydonga tushishi mumkin). Shu tariqa, bir jamoa o‘yin davomida faqat 14 nafar futbolchining xizmatidan foydalanishi mumkin.