La liga prezidenti Xavyer Tebas Ispaniya futbol mavsumining taqdiri borasida navbatdagi bayonotni berdi.
«La ligada mavsumni muddatidan oldin bekor qilish ssenariysini ko‘rib chiqmayapmiz. Ertami yoki kechmi birinchi va ikkinchi divizionni muvaffaqiyatli yakuniga yetkazamiz. Biz mana shunga e’tiborni qaratganmiz».
«Katta ehtimol bilan dekabr oyigacha muxlislarsiz o‘ynashimizga to‘g‘ri keladi. Biz musobaqalarni bloklarga bo‘lamiz. Dastlab milliy chempionat, so‘ngra Chempionlar ligasi va Yevropa ligasi.
«Mavsum bekor qilinsa, La ligada jamoalar soni kengaymaydi, ammo pastki ligaga tushib ketish ro‘y beradi. Shunga qaramay, ishonchim komil, ushbu mavsumni oxiriga yetkazamiz».