2018 yil Londonning "Arsenal" klubi bosh murabbiyi Arsen Venger jamoa muxlislari ko‘z o‘ngida 22 yillik faoliyatini yakunlagandi.

2017/2018 yilgi «Byornli» klubiga qarshi uy uchrashuvi Venger uchun so‘nggi uchrashuv bo‘lib qolgandi. To‘g‘ri, jamoa undan keyin yana ikkita o‘yinni Venger qo‘l ostida o‘tkazdi, lekin bu o‘yinlar safarda o‘tkazilgandi. Shuning uchun, fransiyalik mutaxassis "Byornli"ga qarshi o‘yindan keyin "Arsenal" klubi bilan omma oldida xayrlashishga qaror qilgandi.

Venger Londondagi faoliyatini 1996 yili «Xayberi» stadionida boshlagandi, 2018 yili esa «Emireyts Stedium»da yakunladi.

«Arsenal» - «Bernli» jamoalari o‘rtasidagi uchrashuvda Venger shogirdlari 5:0 hisobida g‘alaba qozondi. Xayrlashuv hashamatli ko‘rinish oldi. Uchrashuvning 75-daqiqasida Pyer-Emerik Obameyang gol kiritib, uchrashuv taqdirini hal qilgandi va o‘yindagi o‘zining dublini nishonlagandi.

Qayd etish kerakki, "Arsenal" klubining Venger qo‘l ostidagi dastlabki uy goli 1996 yili Li Dikson tomonidan kiritilgandi va oradan 21 yil 192 kun o‘tib, Pyer-Emerik Obameyang Arsen Venger qo‘l ostidagi so‘nggi uy uchrashuvidagi golni kiritgandi.