Shotlandiyaning "Reyjers" klubi rahbariyati jamoa bosh murabbiyining ishlaridan qoniqish hosil qilmoqda.
Stiven Jerrard «Reyndjers» klubi bosh murabbiyi bo‘lib kamida yana bir yil ishlamoqchi ekanligini aytib o‘tdi.
«Jamoada ishlashim haqida «Reyndjers» klubi rahbariyatidan so‘rash kerak. Ular mening taqdirimga oydinlik kiritishadi. O‘zimni, shogirdlarimni rivojlantirish uchun va jamoaning natijalarini yaxshilash uchun zarur bo‘lgan barcha ishlarni bajarishga va’da beraman.
Men shu yerda bo‘lgan vaqt mobaynida jamoa o‘sishga erishdi. Men haqiqatdan ham tezroq «Reyndjers»ni yuqori o‘rinlarga qaytarishni xohlayman. Bu mening murabbiylik faoliyatimdagi dastlabki jamoa va men bu yerda ishlashni davom ettirishni xohlayman», — dedi Stiven Jerrard.
