Angliyaning «Liverpul» klubi bosh murabbiyi Yurgen Klopp Lionel Messi va Krishtianu Ronaldu o‘rtasidagi qarama-qarshilikda kimni afzal ko‘rishini aytdi.
«Ideal futbolchi – bu bo‘ydor, baland sakraydigan va tezkor Ronaldu. Bu yerga Krishtianuning o‘z ishiga bo‘lgan munosabatini qo‘shing, shunda siz haqiqiy professionalga ega bo‘lasiz.
Ikkinchi tarafdan olib qaraganda, kichkinagina Messi bor. Uning o‘yinini chetdan kuzatib turib, u hamma narsaga osonlik bilan erishganga o‘xshaydi. To‘g‘risini aytganda, menga Messidek o‘yinchi ko‘proq yoqadi, ammo, Krishtianu Ronaldu ham ajoyib futbolchi», - dedi Klopp o‘z intervyusida.
