Italiyaning «Udineze» klubi sobiq hujumchisi Antonio Di Natale o‘z vaqtida «Liverpul» va «Yuventus» klublaridan tushgan taklifga rad javob berganini aytib o‘tdi.
«Men «Udineze» klubida qolishni xohlagandim, chunki, to‘rt yillik shartnomaga imzo chekkandim va A Seriya to‘purarligida g‘olib chiqqandim. Bu klub uchun muhim ekanligimni his qildim va qarorni o‘zgartirmaslikka qaror qildim.
Men shartnomaga qo‘l qo‘yishim uchun «Liverpul» mening transferim uchun istalgan mablag‘ni sarflashga tayyor edi. Ammo, "Yuventus"ga o‘tishni rad etganimdan so‘ng, Angliyaga ko‘chib o‘tishdan ma’no yo‘q edi», – dedi Di Natale Tuttosport.
