«Barselona» yarim himoyachisi Arturo Vidal «Yuventus» himoyachisi Jorjo Kyelliniga javob qaytardi. Italiyalik futbolchi avvalroq sobiq jamoadoshini alkogol mahsulotini ko‘p iste’mol qilishlikda ayblagan edi.

«Odamlar futbol qolib Kyellini aytgan gaplarga e’tibor qaratishdi. Shuning uchun jahlim chiqdi.

Ammo, shuningdek u mening chempion bo‘lganimni ham aytibdi. U menga qo‘ng‘iroq qilib, barchasini tushuntirdi.

Men taqiqlangan hech bir ishni qilmaganman. Menga ko‘ngilxushlik qilish uchun ruxsat berishgan edi. Men ham boshqalar kabi odamman. Men sidqidildan ishlayman, ammo do‘stlarim meni asado (Janubiy Amerikada ommabop taom — qovurilgan go‘sht)ga taklif etishsa, klub bunga ruxsat beradi va men boraman. Lekin e’tiborni o‘yinga qaratish kerak bo‘lsa, men buni qilaman. Ammo ko‘ngilxushlik qilish uchun mening navbatim kelsa, barcha kabi men bunday imkoniyatdan foydalanaman. Xatoga ko‘l qo‘yganimda esa buning uchun jarima to‘laganman», — dedi Vidal instagram orqali.