Futbol bo‘yicha Janubiy Koreya chempionatining 4-turida «Seul» va «Sonnam» jamoalari 31 may, yakshanba kuni o‘zaro bahs olib bordi.
Teng kurashlar ostida o‘tgan uchrashuvning so‘nggi daqiqalarida mehmonlar g‘alaba to‘pini kiritishga muvaffaq bo‘ldi. 89-daqiqada Tomislav Kish sonnamliklarga g‘alaba keltirgan gol muallifiga aylandi.
Shu tariqa Jamshid Iskandarov jamoasi ochkolarini 8 taga yetkazib olgan holda musobaqa jadvalining 3-pog‘onasiga ko‘tarildi. «Seul» esa 6 ochko bilan 6-o‘ringa tushdi.
Uchrashuvda Jamshid Iskandarov to‘liq harakat qilgan bo‘lsa, Ikrom Aliboyev 62-daqiqada zaxiradan maydonga qo‘shildi.
Key-Liga, 4-tur
«Seul» — «Sonnam» 0:1
Gol: 0:1 — 89 Kish.
«Seul»: Yu San Hun, Han Chhan Hi (Jo Yon Vuk, 61), Kim Ju Son, Kim Nam Chun, Hvan Hyon Su, Ko Yo Han (Aliboyev, 62), Kim Jin YA, Ju Se Jon, Han Shin Gyu (Adriano, 87), Ko Kvan Min, Pak Chu Yon.
«Sonnam»: Kim Yon Gvan, Chhve Ji Muk, Li Te Hvi, Yon Je Un, Hon Si Hu, Chhve O Bek (Kish, 83), Iskandarov, Li Chan Yon, Kvon Sun Hyon, Chhve Byon Chan (Yan Don Hyon, 33), Li Je Von (Lim Son Yon, 54).
Ogohlantirishlar: Li Chan Yon (35), Kim Nam Chun (38), Jo Yon Vuk (67).
