Kicker nashrining tarqatgan ma’lumotiga qaraganda, "Bavariya" klubi rahbariyati jamoa darvozaboni Manuel Noyer bilan shartnomani uzaytirganidan so‘ng, himoyachi David Alaba va markaziy yarim himoyachi Tyago Alkantara bilan shartnomani uzaytirishga e’tibor qaratmoqda.
Bu futbolchilarning shartnomalari kelasi yili o‘z yakuniga yetadi, lekin klub rahbariyati Alabani o‘z saflarida olib qolishmoqchi, biroq, rahbariyati Alkantarani shu yilning yozida sotib yuborish niyatida.
"Bavariya" o‘zining ispaniyalik futbolchisi uchun 60 milliondan 80 million yevrogacha talab qilmoqda, lekin bu narx hozirgi inqiroz davrida qimmatlik qilishi taxmin qilinmoqda.
