Germaniya chempionatining 30-tur bahslari davom ettirilmoqda. Bundesligada jon saqlab qolish uchun kurash olib borayotgan "Union" klubi o‘z uyida "Shalke"ni qabul qildi.

Bahsning 11-daqiqasida berlinliklar hisobni ochishga muvaffaq bo‘lishdi. Birinchi bo‘limning yarmidan o‘tganda gelzenkirxenliklar muvozanatni tiklashdi.

Ikkinchi bo‘limda har ikkala jamoa gol urish imkoniyatlarga ega bo‘lgan bo‘lsalar-da, uchrashuvda hisob boshqa o‘zgarmadi. Ushbu durang tufayli "Shalke"ning ochkosi 38taga, "Union"niki esa 32taga yetdi. Jamoalar mos ravishda 10 va 13-o‘rinlarni egallab turishibdi.

Ma’lumot o‘rnida. "Shalke" ketma-ket 11ta o‘yindan beri g‘alaba qozona olmayapti.

Germaniya chempionati, 30-tur
Union Berlin – Shalke 1:1 (1:1, 0:0)
Gollar: 1:0 – 11 Andrix, 1:1 – 28 Kenni.
Union Berlin – Gikevich, Fridrix, Xyubner, Shlotterbek, Trimmel, Gentner (Ingvartsen, 78), Andrix, Malli (Premel, 69), Byulter, Udja (Mees, 78), Andersson.
Shalke – Nyubel, Miranda, Kabak, Ochipka, Kenni (Bekker, 89), Gregorich, Kalidjuri, Matondo (Bujelyab, 83), Shopf, Raman (Kutudju, 60), Sane.
Ogohlantirishlar: Trimmel (36), Andrix (37), Fridrix (73), Miranda (78).