Германия чемпионатининг 30-тур баҳслари давом эттирилмоқда. Бундеслигада жон сақлаб қолиш учун кураш олиб бораётган "Унион" клуби ўз уйида "Шальке"ни қабул қилди.

Баҳснинг 11-дақиқасида берлинликлар ҳисобни очишга муваффақ бўлишди. Биринчи бўлимнинг ярмидан ўтганда гельзенкирхенликлар мувозанатни тиклашди.

Иккинчи бўлимда ҳар иккала жамоа гол уриш имкониятларга эга бўлган бўлсалар-да, учрашувда ҳисоб бошқа ўзгармади. Ушбу дуранг туфайли "Шальке"нинг очкоси 38тага, "Унион"ники эса 32тага етди. Жамоалар мос равишда 10 ва 13-ўринларни эгаллаб туришибди.

Маълумот ўрнида. "Шальке" кетма-кет 11та ўйиндан бери ғалаба қозона олмаяпти.

Германия чемпионати, 30-тур
Унион Берлин – Шальке 1:1 (1:1, 0:0)
Голлар: 1:0 – 11 Андрих, 1:1 – 28 Кенни.
Унион Берлин – Гикевич, Фридрих, Хюбнер, Шлоттербек, Триммель, Гентнер (Ингвартсен, 78), Андрих, Малли (Премель, 69), Бюльтер, Уджа (Меес, 78), Андерссон.
Шальке – Нюбель, Миранда, Кабак, Очипка, Кенни (Беккер, 89), Грегорич, Калиджури, Матондо (Бужеляб, 83), Шопф, Раман (Кутуджу, 60), Сане.
Огоҳлантиришлар: Триммель (36), Андрих (37), Фридрих (73), Миранда (78).