PSJ sardori Tyago Silva shu yozda jamoani tark etadi. Bu haqda parijliklar vakili ma’lum qilgandi.
Britaniya matbuotining xabariga ko‘ra, "Tottenxem" braziliyalik himoyachi bilan shartnoma imzolashga tayyor. Uning transferini "shporlar" bosh murabbiyi Joze Mourinyoning shaxsan o‘zi xohlamoqda.
Shartnoma imzolashdagi asosiy muammo bu Silvaning yuqori maosh olishidir. Tyago parijliklar safida haftasiga 350 ming funt ishlab topadi.
Eslatib o‘tamiz, himoyachi xizmatiga "Everton" klubi ham qiziqish bildirmoqda.
