Yangi chempionatda 20 jamoa ishtirok etadi.
Fransiya Professional futbol ligasi (LFP) bosh assambleyasida chempionatda ishtirok etuvchilarning sonini ko‘paytirishga qarshi ovoz berildi, deyilmoqda LFP rasmiy bayonotida.
2019/2020 yilgi mavsum koronavirus pandemiyasi sababli muddatdan oldin yakunlandi. Liga 1ni «Amyen» va «Tuluza» klublari tark etdi. Ularning o‘rinlariga esa «Loryan» va «Lans» klublari yo‘l olishdi.
Fransiya chempionatining yangi mavsum taqvimi 26 iyun kuni keng jamoatchilikka taqdim etish rejalashtirilgan.
