Belarusning "Energetik-BGU" jamoasida harakat qilayotgan o‘zbekistonlik hujumchi Jasur Yaxshiboyev jamoani tark etdi. Bu haqda klub rasmiy sayti xabar tarqatdi.
O‘zbekistonlik hujumchi Yaxshiboyev mavsumning ikkinchi qismini Soligorskning “Shaxtyor” jamoasida davom ettiradi.
Eslatib o‘tamiz, "Energetik" Jasurni mavsum avvalida "Paxtakor"dan ijaraga olgan edi. Endi "talabalar" futbolchini mavsum so‘nggiga qadar "Shaxtyor"ga subijaraga berishdi.
Ma’lumot uchun, "Shaxtyor" klubi Belarus chempionatining 16 turidan keyin 30 ochko bilan peshqadamlik qilmoqda.
