Kirish Ro'yxatdan o'tish
28/03 19:00 Dinamo - Metallurg
29/03 19:00 OKMK - Bunyodkor
29/03 19:15 Qizilqum - Lokomotiv

APL. Autsayder «Lester»ni tor-mor keltirdi

APL. Autsayder «Lester»ni tor-mor keltirdi

Baho:
+ | -

Angliya chempionatining 35-turi doirasida «Lester» jadvalda 19-o‘rinda borayotgan «Bornmut» mehmoni bo‘lib, imkoniyatni boy berib qo‘ydi.

Uchrashuvning 23-daqiqasida "tulkilar" hujumchisi hisobni ochishga muvaffaq bo‘lgan edi.

Ammo ikkinchi bo‘lim o‘rtalariga kelib vaziyat oyog‘i osmondan bo‘lib ketdi. Dastlab Kasper Shmeyxelning o‘ta qo‘pol xatosi tufayli mehmonlar darvozasi tomon penalti belgilandi. Stanislas 11 metrli jarima zarbasidan hisobni tenglashtirdi.

"Lester" o‘ziga kelib ulgurmasidan "Bornmut" ikkinchi golni urishga muvaffaq bo‘ldi. Dominik Solankening unchalik kuchli bo‘lmagan zarbasini Shmeyxel qaytara olmadi. Boz ustiga, "Lester"ning turkiyalik himoyachisi Seyunjyu to‘rga borib tushgan to‘pni olayotgan Stanislasni turtib yuborgani uchun maydondan chetlatildi.

U yog‘iga mezbonlarni to‘xtatib bo‘lmadi. Jamoa so‘nggi daqiqalarda "tulkilar" darvozasiga yana 2 marta yo‘l topdi va hisobni yirik ko‘rinishga keltirib qo‘ydi.

Natijada "Bormunt" o‘z ochkolarini 31taga yetkazib, jadvalda 18-o‘ringa ko‘tarilib oldi. "Manchester Yunayted" ushbu turda "Sautgempton"ni mag‘lub etadigan bo‘lsa, "Lester" 5-pog‘onaga tushib qoladi. Brendan Rodjers shogirdlari so‘nggi turlarda alamli tarzda Chempionlar ligasi yo‘llanmasidan mahrum bo‘lishi mumkin.

APL, 35-tur
Bornmut – Lester 4:1 (0:1)
Gollar: 0:1 – 23 Vardi, 1:1 – 66, penalti Stanislas, 2:1 – 67 Solanke, 3:1 – 83, avtogol Evans, 4:1 – 87 Solanke.
Bornmut – Remsdeyl, Kelli, Steysi, Ake (Kuk, 40), Riko, Gosling (Billing, 46), Bruks (Kuk, 81), Lerma, Danjuma (Stanislas, 46), Uilson (Serrij, 90), Solanke.
Lester – Shmeyxel, Seyunjyu, Evans, Fuks, Jastin, Tilemans, Olbrayton (Bennett, 16), Ndidi, Peres (Barns, 71), Ixeanacho (Prat, 46), Vardi.
Ogohlantirishlar: Gosling (32), Ndidi (64), Stanislas (86).
Chetlatish: Seyunjyu (67).

Manba: www.stadion.uz.
Kiritildi: 01:09, 13.07.2020.
O'qildi: 4736 marta.
Fikrlar: 0 ta.

Eng ko'p o'qilgan yangiliklar


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.