Англия чемпионатининг 35-тури доирасида «Лестер» жадвалда 19-ўринда бораётган «Борнмут» меҳмони бўлиб, имкониятни бой бериб қўйди.

Учрашувнинг 23-дақиқасида "тулкилар" ҳужумчиси ҳисобни очишга муваффақ бўлган эди.

Аммо иккинчи бўлим ўрталарига келиб вазият оёғи осмондан бўлиб кетди. Дастлаб Каспер Шмейхелнинг ўта қўпол хатоси туфайли меҳмонлар дарвозаси томон пенальти белгиланди. Станислас 11 метрли жарима зарбасидан ҳисобни тенглаштирди.

"Лестер" ўзига келиб улгурмасидан "Борнмут" иккинчи голни уришга муваффақ бўлди. Доминик Соланкенинг унчалик кучли бўлмаган зарбасини Шмейхель қайтара олмади. Боз устига, "Лестер"нинг туркиялик ҳимоячиси Сеюнжю тўрга бориб тушган тўпни олаётган Станисласни туртиб юборгани учун майдондан четлатилди.

У ёғига мезбонларни тўхтатиб бўлмади. Жамоа сўнгги дақиқаларда "тулкилар" дарвозасига яна 2 марта йўл топди ва ҳисобни йирик кўринишга келтириб қўйди.

Натижада "Бормунт" ўз очколарини 31тага етказиб, жадвалда 18-ўринга кўтарилиб олди. "Манчестер Юнайтед" ушбу турда "Саутгемптон"ни мағлуб этадиган бўлса, "Лестер" 5-поғонага тушиб қолади. Брендан Роджерс шогирдлари сўнгги турларда аламли тарзда Чемпионлар лигаси йўлланмасидан маҳрум бўлиши мумкин.

АПЛ, 35-тур
Борнмут – Лестер 4:1 (0:1)
Голлар: 0:1 – 23 Варди, 1:1 – 66, пенальти Станислас, 2:1 – 67 Соланке, 3:1 – 83, автогол Эванс, 4:1 – 87 Соланке.
Борнмут – Рэмсдейл, Келли, Стэйси, Аке (Кук, 40), Рико, Гослинг (Биллинг, 46), Брукс (Кук, 81), Лерма, Данжума (Станислас, 46), Уилсон (Серриж, 90), Соланке.
Лестер – Шмейхель, Сеюнжю, Эванс, Фукс, Жастин, Тилеманс, Олбрайтон (Беннетт, 16), Ндиди, Перес (Барнс, 71), Ихеаначо (Прат, 46), Варди.
Огоҳлантиришлар: Гослинг (32), Ндиди (64), Станислас (86).
Четлатиш: Сеюнжю (67).