"Paxtakor" bosh murabbiyi AGMK bilan bellashuvdan keyin o‘yin xususida fikrlarini bildirdi.

"Chempionatning ikki yetakchi jamoasi to‘qnash keldi. Qiyin o‘yin bo‘ldi va shunday bo‘lishi ham kutilgandi. Vaziyatlarni yodga oladigan bo‘lsak, bizda yaxshi vaziyatlar yuzaga keldi. Masalan, birinchi bo‘limda bir necha imkoniyatdan foydalana olmadik. Gol o‘tkazgach, kuchimizni sal yo‘qotgandek bo‘ldik. Bu yaxshi holat emas. Birinchi bo‘limdagi vaziyatlarda faqat gol urish kerak edi, xolos. Raqib qarshi hujumda yaxshi o‘ynadi. Umuman olganda, bugun umumiy qaraganda ikki ochko yo‘qotdik, 0:2dan so‘ng qarasak, bir ochko ishladik.

"Paxtakor"da ko‘p vaziyatlar bo‘ldi, lekin buni omad yetishmagani bilan bog‘lamagan bo‘lardim. AGMK himoyachilari yaxshi o‘ynashdi, darvozabon ham juda yaxshi o‘ynadi va ko‘p vaziyatlarda jamoasini qutqarib qoldi. O‘zimiz noaniq zarbalar yo‘lladik.

"Paxtakor"ni sentyabrda Chempionlar Ligasi kutib turibdi. Hali buni o‘ylamaymiz, avval o‘sha vaqtga yetib olaylik. Orada iyul va avgust oylari turibdi. Futbolda eng muhimi - keyingi o‘yin.

Masharipovning o‘yini oxirgi yillarda o‘zgardi. O‘tgan yili 115 gol urdik, ularning deyarli yarmida Jalol uzatmalarni amalga oshirgan. Bugun uning eng yaxshi o‘yini bo‘lmadi, o‘zi ham harakatlaridan doim xulosa chiqarib boradi. U futbolchi sifatida ancha ulg‘aydi. Bu yil ham deyarli har bahsda gol urishimizga yordam bermoqda. Masharipov biz uchun ham, o‘zbek futboli uchun ham katta ishlar qilyapti", — dedi Arveladze.