Xabaringiz bor, 13 iyul kuni Coca Cola Superliga 9-turidan o‘rin olgan bahsda jamoamiz o‘z maydonida Navoiyning “Qizilqum” klubini qabul qilib, 1:0 hisobida g‘alaba qozondi.

“Qizilqum” jamoasi menejeri Hamidjon Aktamov  mazkur o‘yindan so‘ng, “Navbahor” uy uchrashuvlarini o‘tkazadigan “Markaziy”  o‘yingoh maydonini e’tirof etib, jumladan, shunday dedi:  

“Navbahor” stadionining maysasiga qoyil qoldim. Holati ideal darajada. Shunchaki super".

Albatta, raqib jamoa vakilidan shunday e’tirofni eshitish yoqimli.

Joriy mavsumda U-19 yoshlar o‘rtasidagi Osiyo chempionatining guruh bahslari va O‘zbekiston kubogi finali o‘yini o‘tkaziladigan “Markaziy” o‘yingoh maydonining shunday ideal holatda saqlanishida Namangan viloyat hokimi, viloyat futbol assosiasiyasi prezidenti Xayrullo Hayitbayevich Bozorov, “Navbahor” PFK hamda “Markaziy” o‘yingoh rahbariyati, ishchi-xodimlarining hissalari katta.

U-19 yoshlar o‘rtasidagi Osiyo chempionati guruh bahslari  va O‘zbekiston kubogi finali o‘yini mazkur o‘yingohda yuqori saviyada tashkil etiladi, degan umiddamiz.

“Navbahor” PFK matbuot xizmati.