«Tottenxem» bosh murabbiyi Joze Mourinyo jamoasining joriy mavsumdagi natijalari borasida o‘z fikrini bildirib o‘tdi.

«Men «Tottenxem»ga kelgan paytimda «Arsenal»dan 3 ochko ortda qolgan holda jadvalda 14-o‘rinda edik. Chempionlar ligasiga yo‘llanma beradigan o‘ringacha farq, adashmasam, 11 ochko edi. Men kelganimdan keyin ochkolarni hisoblaydigan bo‘lsak... Haqiqat shuki, men muhim emasman, «Tottenxem» – muhimroq.

Lekin, agar bu yo‘nalishda fikrni davom ettiradigan bo‘lsak, men chempionatda to‘rtinchi o‘rindaman. Agar APLda 4-o‘rinni yomon deb hisoblasangiz, bu sizning fikringiz.

Agar men bilan biroz kulishib olishni istasangiz, men so‘nggi 5ta o‘yin chempioniman. Menga medal berishingiz mumkin — biz 13 ochko jamg‘ardik.

Men hamisha maksimum ochko jamg‘arishga harakat qilaman. Kimgadir nimanidir isbotlashim kerak deb xavotirga tushmayman. Shunchaki doimo maksimum kuch bilan ishlashga harakat qilaman. Men uchun eng muhim o‘yin — bu navbatdagisi. Eng muhim mavsum esa — keyingisi. Bu siz o‘ylagan narsa emas. Bu osmondan olingan gap emas. Menga ko‘proq yoki kamroq motivasiya beradigan, menga ko‘proq yoki bosim o‘tkazadigan narsa yo‘q. Shunga bu mening tabiatim.

Bu menga kerak emas. Shuning uchun men kelgusi mavsumning boshlanishini intizorlik bilan kutyapman», — dedi Mourinyo "Evening Standard"ga bergan intervyusida.

Eslatib o‘tamiz, «Tottenxem» APLning 37-turidan keyin 58 ochko bilan 7-o‘rinni egallab turibdi.