«Тоттенхэм» бош мураббийи Жозе Моуриньо жамоасининг жорий мавсумдаги натижалари борасида ўз фикрини билдириб ўтди.

«Мен «Тоттенхэм»га келган пайтимда «Арсенал»дан 3 очко ортда қолган ҳолда жадвалда 14-ўринда эдик. Чемпионлар лигасига йўлланма берадиган ўрингача фарқ, адашмасам, 11 очко эди. Мен келганимдан кейин очколарни ҳисоблайдиган бўлсак... Ҳақиқат шуки, мен муҳим эмасман, «Тоттенхэм» – муҳимроқ.

Лекин, агар бу йўналишда фикрни давом эттирадиган бўлсак, мен чемпионатда тўртинчи ўриндаман. Агар АПЛда 4-ўринни ёмон деб ҳисобласангиз, бу сизнинг фикрингиз.

Агар мен билан бироз кулишиб олишни истасангиз, мен сўнгги 5та ўйин чемпиониман. Менга медаль беришингиз мумкин — биз 13 очко жамғардик.

Мен ҳамиша максимум очко жамғаришга ҳаракат қиламан. Кимгадир ниманидир исботлашим керак деб хавотирга тушмайман. Шунчаки доимо максимум куч билан ишлашга ҳаракат қиламан. Мен учун энг муҳим ўйин — бу навбатдагиси. Энг муҳим мавсум эса — кейингиси. Бу сиз ўйлаган нарса эмас. Бу осмондан олинган гап эмас. Менга кўпроқ ёки камроқ мотивация берадиган, менга кўпроқ ёки босим ўтказадиган нарса йўқ. Шунга бу менинг табиатим.

Бу менга керак эмас. Шунинг учун мен келгуси мавсумнинг бошланишини интизорлик билан кутяпман», — деди Моуриньо "Evening Standard"га берган интервьюсида.

Эслатиб ўтамиз, «Тоттенхэм» АПЛнинг 37-туридан кейин 58 очко билан 7-ўринни эгаллаб турибди.