Ushbu ruknimizdagi eng so‘nggi yangiliklar bilan tanishtirishda davom etamiz.
“Roma” himoyachi topdi
Rimning “Roma” jamoasi yozda “Yuventus” himoyachisi Daniel Rugani bilan shartnoma imzolash arafasida turibdi.
Italiya nashrlarining ma’lum qilishicha, “Roma” Kris Smolling bilan shartnoma imzolay olmagach, bor e’tiborini Ruganiga qaratgan.
Esatib o‘tamiz, Rugani bilan Italiyaning bir nechta klublari ham qiziqish bildirmoqda.
“Chelsi” darvozabon izlamoqda
Angliyaning “Chelsi” jamoasi yozda o‘z safiga darvozabonni qo‘shib olmoqchi.
Ingliz nashrlarining ma’lum qilishicha, Frenk Lempard Kepa Arrissabalagani birinchi raqamli kipper bo‘lishini istamayapti.
Ma’lumotlarga qaraganda, “Chelsi” “Atletiko” darvozaboni Yan Obak bilan shartnoma imzolash borasida ishga kirishgan.
Lempard aynan Yanni “Chelsi”ning birinchi raqamli darvozaboni bo‘lishini istamoqda.
Alaba uchun kurash boshlandi
Myunhenning “Bavariya” jamoasi himoyachisi David Alaba yozda boshqa klubga o‘tishi tobora aniqlashib bormoqda.
“Bild” nashrining ma’lum qilishicha, avstryalik futbolchi jamoa bilan shartnomani uzaytirishdan bosh tortgan va allaqachon boshqa klublardan kelib tushgan takliflarni ko‘rib chiqmoqda.
Manbaning ma’lum qilishicha, Alaba bilan “Inter”, “Arsenal” va “Chelsi” jamoalari jiddiy qiziqib qolgan.
PSJ futbolchisi nishonda
Parijning PSJ klubi yarim himoyachisi Leandro Parades Italiya klublari nishonida turibdi.
ESPN bergan ma’lumotlarga qaraganda, “Yuventus”, “Roma”, “Milan”, “Napoli” singari klublar Leandroni o‘z safiga qo‘shib olish niyatida.
Manbada bayon qilinishicha Parij klubi o‘z futbolchisini 40 million yevro yevaziga sotib yuborishga tayyor.
