Turinning «Yuventus» klubi hujumchisi Krishtianu Ronaldu yangi yaxta sotib oldi.
Daily Mail’ning yozishicha, portugaliyalik futbolchi yaxta uchun 5,5 million funt (6,08 million yevro) sarflagan.
Unda beshta kayuta, oltita hammom, ikkita dam olish zonasi, bitta katta dam olish (launj) maydoni, zamonaviy oshxona va dengiz manzarasini ko‘rish imkoniyatini taqdim etadigan katta derazalar mavjud.
Ronaldu ushbu yaxtada oilasi bilan hordiq chiqarayotgani aks ettirilgan fotosuratni Instagram’dagi sahifasiga joylashtirgan.
