Angliya matbuotining yozishiga qaraganda, Jeydon Sancho «Borussiya» rahbariyatining qaroridan juda g‘azablangan. Chunki, avvalroq dortmundlik rahbarlar futbolchining hech qayerga ketmasligini ma’lum qilishgandi.
«Manchester Yunayted» haligacha futbolchini o‘z safiga qo‘shib olishga umid qilmoqda. «Qizil iblislar» «Borussiya» rahbariyati bilan to‘g‘ridan-to‘g‘ri muzokara olib borishga qaror qilishgandi, lekin lekin baribir maxsus agentlikka murojaat qilishlariga to‘g‘ri kelgan.
«Yunayted» 70 million funt taklif qildi, yana 40 million funt bonus sifatida tavsiya qilingandi. Dortmund rahbariyati esa angliyaliklardan 110 million funtni to‘laligicha o‘tkazib berishlarini talab qilgan.
Sanchoning o‘zi ham taklif qilingan maoshdan qoniqish hosil qilmagan. Jeydon haftasiga 250 ming funt so‘ragan, lekin unga 220 ming taklif qilingan.
