Англия матбуотининг ёзишига қараганда, Жейдон Санчо «Боруссия» раҳбариятининг қароридан жуда ғазабланган. Чунки, аввалроқ дортмундлик раҳбарлар футболчининг ҳеч қаерга кетмаслигини маълум қилишганди.

«Манчестер Юнайтед» ҳалигача футболчини ўз сафига қўшиб олишга умид қилмоқда. «Қизил иблислар» «Боруссия» раҳбарияти билан тўғридан-тўғри музокара олиб боришга қарор қилишганди, лекин лекин барибир махсус агентликка мурожаат қилишларига тўғри келган.

«Юнайтед» 70 миллион фунт таклиф қилди, яна 40 миллион фунт бонус сифатида тавсия қилинганди. Дортмунд раҳбарияти эса англияликлардан 110 миллион фунтни тўлалигича ўтказиб беришларини талаб қилган.

Санчонинг ўзи ҳам таклиф қилинган маошдан қониқиш ҳосил қилмаган. Жейдон ҳафтасига 250 минг фунт сўраган, лекин унга 220 минг таклиф қилинган.