Ushbu ruknimizdagi eng so‘nggi yangiliklar bilan tanishtirishda davom etamiz.
“Barsa” rad etdi
Kataloniyaning “Barselona” jamoasi Usman Dembeleni “Manchester Yunayted”ga qo‘yib yuborishni istamayapti.
Kataloniya klubi texnik direktori Ramon Planesning ma’lum qilishicha, klub “qizil iblislar” bilan muzokaralar o‘tkazmoqchi emas.
Ramos Planesning aytishicha, “Barselona” Usman Dembelening tez orada “Barselona”dagi o‘rnini qaytarib oladi.
“Renn” ishga kirishdi
Fransiyaning “Renn” jamoasi transfer huquqi “Yuventus”ga tegishli bo‘lgan Daniyel Ruganini ijaraga olish niyatida.
“SkySport” nashrining ma’lum qilishicha, fransuz klubi Ruganini 1,5 million yevro evaziga ijaraga oladi va uning maoshini to‘liq o‘zi to‘laydi.
Manbaning ma’lum qilishicha, “Renn” ijara yakunida italiyalik himoyachini to‘liq sotib olishni rejalashtirmoqda.
PSJ daniyalikka e’tibor qaratmoqda
Parijning PSJ klubi “Inter” yarim himoyachisi Kristian Eriksen bilan shartnoma imzolamoqchi.
Klub sport direktori Leanardoning malum qilishicha, 28 yoshli futbolchining agenti Parij klubi bilan muzokaralar olib bormoqda.
Leanardoning ma’lum qilishicha, Eriksenning o‘zi “Inter”ni tark etish niyatida.
De Shilo qolmoqchi
Milanning “Milan” klubi himoyachisi Mattia De Shilo faoliyatini boshqa klubda davom ettirmoqchi emas.
“Tuttosport” nashrining ma’lum qilishicha, futbolchi “Seltik” va “Sevilya” jamoalaridan kelib tushgan taklifni rad etgan. U faoliyatini “Milan”da davom ettirish niyatida.
Eslatib o‘tamiz, avvalroq Mattia bilan “Roma” jiddiy qiziqib qolgan haqida xabar bergan edik.
“Vest Hem”ga Chalet kerak
Londonning “Vest Hem” klubi “Marsel” yarim himoyachisi Duye Chalet-Sar bilan shartnoma imzolamoqchi.
“DailyMail” nashrining ma’lum qilishicha, “bolg‘achilar” 24 yoshli futbolchi uchun 20 million yevro taklif qilmoqda.
Eslatib o‘tamiz, Chalet-Sap “Marsel” safiga 2018-yilda “Zalsburg” klubidan kelib qo‘shilgan edi.
