Fransiyaning "France Football" jurnali barcha zamonlarning eng yaxshi futbolchilari ramziy terma jamoasini tuzishda davom etmoqda.

Darvozabon, chap qanot himoyachisi, markaziy himoyachi, o‘ng qanot himoyachisi, markaziy yarim himoyachi, hujumkor yarim himoyachi, chap qanot hujumchisi, o‘ng qanot hujumchisi va markaziy hujumchi pozisiyalari uchun maxsus komissiya tomonidan tanlab olingan nomzodlar ro‘yxati e’lon qilinmoqda.

Butun dunyo bo‘ylab 170dan ortiq jurnalistning ovozlari natijasida har bir pozisiyaga bir nafardan eng yaxshi futbolchi tanlab olinadi va ramziy terma jamoaga kiritiladi. Ramziy jamoa esa dekabr oyida e’lon qilinadi.

Chap qanot hujumchisi nominasiyasi uchun 10 nafar nomzodlar ro‘yxati quyidagi ko‘rinishda bo‘ldi:

Oleg Bloxin (SSSR), Rivaldo (Braziliya), Krishtianu Ronaldu (Portugaliya), Roberto Rivelino (Braziliya), Dragan Jaich (Yugoslaviya), Ronaldinyo (Braziliya), Rayan Giggz (Uels), Karl-Xayns Rummenigge (Germaniya), Tyerri Anri (Fransiya), Xristo Stoichkov (Bolgariya).