Ushbu ruknimizdagi eng so‘nggi yangiliklar bilan tanishtirishda davom etamiz.

«Roma» uni olib qolmoqchi

Rimning «Roma» jamoasi Edin Jeko bilan bilan o‘rtadagi shartnomani uzaytirishga qaror qildi.

Goal nashrining ma’lum qilishicha, bosniyalik hujumchi jamoa bilan o‘rtadagi shartnomani yana ikki yilga uzaytirishga qaror qilgan.

Manbaning ma’lum qilishicha, «Roma» o‘z yetakchi futbolchisini yana ko‘proq o‘z tarkibida qolishi uchun uning maoshini ham birmuncha ko‘tarib berishga qarshi emas.
Eslatib o‘tamiz, Edin Jekoning «bo‘rilar» bilan shartnomasi 2022 yilda o‘z yakuniga yetadi.

«Inter»dan o‘zgacha yurish

Milanning «Inter» klubi Kolubmiyalik darvozabon Kamilo Vargas bilan shartnoma imzolashi mumkin.

Goal nashrining ma’lum qilishicha, "Atlas" klubining 31 yoshli darvozaboni ham Yevropaga ko‘chib o‘tishga qarshi emas.

Manbaning ma’lum qilishicha, darvozabonning "Atlas Gvadalaxara" bilan shartnomasi 2022 yilda o‘z yakuniga yetadi. Shu bois, ushbu transferdan meksikaliklar 5-10 million yevro ishlab olmoqchi.

«Dinamo» «Liverpul» futbolchisiga ko‘z tikdi

Zagrebning «Dinamo» klubi «Sporting» jamoasi a’zosi Rafayel Kamashu bilan muzokaralar olib bormoqda.

Xorvatiya klubining rasmiy sayti bergan ma’lumotlarga qaraganda, ayni damda transferning moliyaviy masalalari hal etilmoqda.

Eslatib o‘tamiz, 20 yoshli vinger Portugaliya klubiga «Liverpul»dan tashrif buyurgan va qisqa muddat ichida Portugaliya chempionatida o‘zini ko‘rsatgan edi.

«Roma» Seadni nishonga oldi

Rimning «Roma» jamoasi qishda «Arsenal» himoyachisi bilan tarkibini kuchaytirib olmoqchi.
LGDS nashri bergan ma’lumotlarga qaraganda, «bo‘rilar» nishonida London klubi qanot himoyachisi Sead Kolashinas turibdi.

Manbaning ma’lum qilishicha, «Roma» bosniyalik futbolchining transferi uchun 5-10 million yevro taklif etmoqchi.

Eslatib o‘tamiz, Mikel Arteta Saad Kalashinas o‘z rejalariga kiritmagan. Shu bois, futbolchi o‘yin amaliyotiga ega bo‘lish maqsadida boshqa klubga yo‘l olish niyatida.