Turinning «Yuventus» klubi bosh murabbiyi Andrea Pirlo YECHLning 1-tur doirasida Kiyevning «Dinamo» klubiga qarshi bo‘lib o‘tadigan uchrashuvdan oldinga fikrlari bilan o‘rtoqlashdi.
- Mircha Luchesku — birinchi murabbiyim. 15-16 yoshimda meni kattalar futboliga olib kelgan. U haqida juda ko‘p yorqin xotiralarim bor. Men undan har doim minnatdorman va bu haqda unga doim aytaman. Umid qilamanki, u bilan ertaga suhbatlashgani vaqtimiz bo‘ladi.
Debyutdan oldingi tuyg‘ular? Men har doim xotirjamman. Zo‘riqish bo‘lishi mumkin emas, chunki men futbol o‘ynamayapman. Ushbu bosim maydonda to‘p suradigan futbolchilarga berilsin. YECHLdagi birinchi bahsim — eng muhim va eng asosiysi. Shu sababli, ertaga g‘alaba qozonishimiz shart. Biz faqat shu haqda o‘ylayapmiz.
Ronaldu haqida gapiradigan bo‘lsam, sir emasmi Krishtianu kasal. Bu yangilik emas. Albatta, u maydonga tushmaydi. Lekin uni o‘rnini bosa oladigan yetarli futbolchilarimiz bor. Masalan, Morata. Lekin biz bu haqda yana o‘ylab ko‘ramiz. Tarkib borasidagi yakuniy qarorni ertaga qabul qilamiz.
Dibalada ham ma’lum muammolar bor. Biz kecha u bilan suhbatlashdik, u ancha hayajonlandi. Pauloda Argentina terma jamoasi ixtiyoridaligida sog‘lig‘ida muammo yuzaga keldi. Hozir u bizning ixtiyorimizda, ertami-kechmi albatta maydonga tushadi. Yakuniy qaror ertaga qabul qilinadi, — Pirloning so‘zlaridan iqtibos keltirmoqda UEFA matbuot xizmati.
