Abu-Dabida uzoq kutilgan "UFC 254" musobaqasining markaziy jangi o‘z nihoyasiga yetdi. Unga ko‘ra, Habib Nurmagomedov va Jastin Getji o‘zaro to‘qnash keldi.
Jang ikkinchi raundda Xabibning g‘alabasi bilan yakunlandi. Raund davomida Xabib oyoqlari bilan Getjini qisib oldi va navbatdagi g‘alabasiga erishdi. Jangdan so‘ng Habib UFCdagi faoliyatini yakunlaganini e’lon qildi.
"Getji bilan jang qilishga rozi bo‘lganimda, onam bilan 3 kun maslahatlashdim. U otamsiz jang qilishimni istamadi. Bu mening so‘nggi jangim va unga rioya qilaman", -dedi Habib.
