Niderlandiyaning «Ayaks» klubi bosh murabbiyi Erik ten Xag YECHLning 3-tur doirasida «Midtyulland» klubiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.

«Bo‘lajak uchrashuvda qo‘l ostimda mavjud futbolchilar bilan o‘ynaymiz. Futbolchilarimizning har biri ajoyib sport formasida, men ularning hech biriga shubha qilmayman. Ehtimol, bir nechta futbolchilar o‘zlari uchun begona bo‘lgan pozisiyalarda harakat qilishar.

Vaziyat shundayki, ba’zi futbolchilarimiz Niderlandiyada o‘ynay olishadi, ammo Daniya chegarasini kesib o‘ta olishmaydi. Chunki, ularning ayrimlariga Daniyaga kirishi ta’qiqlangan. Juda g‘alati vaziyat. Test natijalari qanday bo‘lishidan qat’iy nazar, men bu mavzuda gapirishga haqqim yo‘q.

«Midtyulland» haqida shuni aytishim mumkinki, ular allaqachon o‘z imkoniyatlarini namoyish etgan kuchli jamoa. Biroq, men o‘z shogirdlarimga shubha bilan qaramayman. Biz o‘z uchrashuvimizda g‘alaba qozonishni xohlaymiz», — dedi Erik ten Xag.