Нидерландиянинг «Аякс» клуби бош мураббийи Эрик тен Хаг ЕЧЛнинг 3-тур доирасида «Мидтьюлланд» клубига қарши бўлиб ўтадиган учрашув ҳақидаги фикрлари билан ўртоқлашди.
«Бўлажак учрашувда қўл остимда мавжуд футболчилар билан ўйнаймиз. Футболчиларимизнинг ҳар бири ажойиб спорт формасида, мен уларнинг ҳеч бирига шубҳа қилмайман. Эҳтимол, бир нечта футболчилар ўзлари учун бегона бўлган позицияларда ҳаракат қилишар.
Вазият шундайки, баъзи футболчиларимиз Нидерландияда ўйнай олишади, аммо Дания чегарасини кесиб ўта олишмайди. Чунки, уларнинг айримларига Данияга кириши таъқиқланган. Жуда ғалати вазият. Тест натижалари қандай бўлишидан қатъий назар, мен бу мавзуда гапиришга ҳаққим йўқ.
«Мидтьюлланд» ҳақида шуни айтишим мумкинки, улар аллақачон ўз имкониятларини намойиш этган кучли жамоа. Бироқ, мен ўз шогирдларимга шубҳа билан қарамайман. Биз ўз учрашувимизда ғалаба қозонишни хоҳлаймиз», — деди Эрик тен Хаг.
