"Paxtakor" bosh murabbiyi Shota Arveladze "Bunyodkor"ga qarshi o‘yindan keyin quyidagi fikrlarni bildirib o‘tdi.

"O‘ylashimcha, qiziqarli bahs kechdi. Bizda vaziyatlar ko‘p bo‘ldi. O‘yin oxirida kartochkalar ko‘payib ketdi. Bir oz diqqatni yo‘qotgandirmiz. Uchinchi golni darhol o‘tkazib yubordik. Ikki kishi kam bo‘lib ham golli imkoniyatlar yaratdik. "Bunyodkor"ni g‘alaba bilan tabriklayman. Ularga qarshi bellashuvlar qiziq kechadi.

Biz kamchilik holda 15 daqiqacha o‘ynadik. O‘sha daqiqalarda oxirigacha kurashdik. Yigitlarga buning uchun rahmat aytaman. O‘yin tashkil qilish va intizomida bizda muammo bo‘lmasligi kerak. Raqib safida terma jamoa a’zolari ko‘p, ular ko‘pchilik bo‘lib o‘ynab vaqtni cho‘zishga urinishdi.

Endi tanaffus bo‘ladi va 9 nafar o‘yinchimiz terma jamoa ixtiyorida bo‘ladi. Terma jamoaga omad tilayman, futbolchilar jarohatsiz sog‘lom holda qaytishlarini xohlayman", -dedi murabbiy.