Huquqiy jihatdan Madridning «Atletiko» klubiga tegishli, ayni paytda ijara asosida "Yuventus" klubida o‘ynayotgan Alvaro Morata nima uchun Turinga ko‘chib o‘tganini aytib o‘tdi.
«Buni tushuntirish qiyin. Men nimani gapirsam xabar bo‘lib tarqalib ketayotgani meni xavotirga solmoqda. Men hech qachon «Atletiko»da qiynalayotganimni aytmaganman. Men Diyego Simeoneni hurmat qilaman. Xotinim bunga chiday olmaydi, chunki men «Atletiko»ning ko‘plab o‘yinlarini ko‘raman va kiritilgan gollarini nishonlayman.
Har kim o‘z imkoniyatlarini qidiradi, o‘sha paytda men uchun eng yaxshi variant «Yuventus»ga o‘tish edi. Odatda klub o‘zi uchun eng yaxshi yechimni izlaydi. Men o‘ynagan klublarga bo‘lgan minnatdorchiligimni masxara qilgan ba’si sarlavhalarni o‘qish men uchun og‘riqli. Har kimning bolalikdagi jamoasi bo‘ladi, men uchun bu «Atletiko». Men «Atletiko» klubiga barcha narsa uchun minnatdorchiligimni aytmoqchiman», – dedi Morata.
