Shveysariya terma jamoasi bosh murabbiyi Vladimir Petkovich Millatlar Ligasining guruh bosqichi doirasida Ukraina terma jamoasiga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
«Hozir dunyo futbolida vaziyat qaltis. Yarim yildan beri koronavirus terma jamoalarning ham, klublarning ham rejalarini barbod qilmoqda. Shveysariya va Ukraina terma jamoalarining muammolari deyarli bir xil. Bizda ham, ularda ham COVID-19 sababli to‘rttadan futbolchi maydonga tusha olmaydi.
Bugun Shveysariya koronavirus uchun navbatdagi testni topshiradi va umid qilamanki, natijalar salbiy ko‘rinish oladi. Ushbu bahs qoldirilishini umuman xohlamayman», – dedi Petkovich.
