Швейцария терма жамоаси бош мураббийи Владимир Петкович Миллатлар Лигасининг гуруҳ босқичи доирасида Украина терма жамоасига қарши бўлиб ўтадиган учрашув ҳақидаги фикрлари билан ўртоқлашди.
«Ҳозир дунё футболида вазият қалтис. Ярим йилдан бери коронавирус терма жамоаларнинг ҳам, клубларнинг ҳам режаларини барбод қилмоқда. Швейцария ва Украина терма жамоаларининг муаммолари деярли бир хил. Бизда ҳам, уларда ҳам COVID-19 сабабли тўрттадан футболчи майдонга туша олмайди.
Бугун Швейцария коронавирус учун навбатдаги тестни топширади ва умид қиламанки, натижалар салбий кўриниш олади. Ушбу баҳс қолдирилишини умуман хоҳламайман», – деди Петкович.
