«Ajdarlar» Superligani 24-turida o‘z tarixida 13-chempionlikni naqd qilgan Toshkentning «Paxtakor» jamoasini qabul qiladi. Bellashuv 25 noyabr kuni Qarshidagi «Markaziy» stadionida bo‘lib o‘tadi. Bellashuv soat 13:00 da boshlanadi.
O‘zaro uchrashuvlar tarixidan
Ushbu jamoalar O‘zbekiston chempionatida hozirga qadar 47 bor kuch sinashishgan. KKatta ustunlik «sherlar» tomonida. Bo‘lib o‘tgan 9 uchrashuvda vakillarimiz, 28 o‘yinda esa «sherlar» zafar quchishgan. 10 uchrashuvda esa durang natija qayd etilgan.
To‘plar nisbati 41:74 ga teng.
O‘zaro uchrashuvlarda qayd etilgan eng yuqori hisoblar bir xil ko‘rinishda: «Nasaf» – «Paxtakor» 4:0, “Paxtakor” – «Nasaf» 4:0.
Jamoalar so‘nggi o‘zaro uchrashuvni 2020 yili 21 avgust kuni Toshkentda "Bunyodkor" stadionida o‘tkazgan. Bu uchrashuvda mezbonlar 4:1 hisobida yirik g‘alaba qozonishgan.
E’tiboringizga, jamoalar ishtirokidagi so‘nggi besh uchrashuvning natijalarini havola qilamiz:
21.08.2020 Paxtakor — Nasaf 4:1
23.11.2019 Nasaf — Paxtakor 1:2
05.04.2019 Paxtakor — Nasaf 2:1
18.08.2018 Paxtakor — Nasaf 4:0
11.05.2018 Nasaf — Paxtakor 2:3
