«Аждарлар» Суперлигани 24-турида ўз тарихида 13-чемпионликни нақд қилган Тошкентнинг «Пахтакор» жамоасини қабул қилади. Беллашув 25 ноябрь куни Қаршидаги «Марказий» стадионида бўлиб ўтади. Беллашув соат 13:00 да бошланади.
Ўзаро учрашувлар тарихидан
Ушбу жамоалар Ўзбекистон чемпионатида ҳозирга қадар 47 бор куч синашишган. ККатта устунлик «шерлар» томонида. Бўлиб ўтган 9 учрашувда вакилларимиз, 28 ўйинда эса «шерлар» зафар қучишган. 10 учрашувда эса дуранг натижа қайд этилган.
Тўплар нисбати 41:74 га тенг.
Ўзаро учрашувларда қайд этилган энг юқори ҳисоблар бир хил кўринишда: «Насаф» – «Пахтакор» 4:0, “Пахтакор” – «Насаф» 4:0.
Жамоалар сўнгги ўзаро учрашувни 2020 йили 21 август куни Тошкентда "Бунёдкор" стадионида ўтказган. Бу учрашувда мезбонлар 4:1 ҳисобида йирик ғалаба қозонишган.
Эътиборингизга, жамоалар иштирокидаги сўнгги беш учрашувнинг натижаларини ҳавола қиламиз:
21.08.2020 Пахтакор — Насаф 4:1
23.11.2019 Насаф — Пахтакор 1:2
05.04.2019 Пахтакор — Насаф 2:1
18.08.2018 Пахтакор — Насаф 4:0
11.05.2018 Насаф — Пахтакор 2:3
