Xalqaro futbol assosiasiyalari federasiyasi (FIFA) bugun dunyo terma jamoalarining noyabr oyidagi reyting jadvalini e’lon qildi.

O‘zbekiston terma jamoasi mazkur oyda Suriya va Iroqqa qarshi o‘rtoqlik o‘yinlarini o‘tkazib, har ikkala uchrashuvda yutqazgan edi. Natijada milliy jamoamizning ballari 9taga kamayib, 1283 ballni tashkil qildi. Oqibatda O‘zbekiston bir pog‘ona pastga tushib, 85-o‘rinni band etdi.

Osiyo qit’asida 12-o‘rinni egallab turibdi. Qit’amizda Yaponiya (27-o‘rin), Eron (29), Janubiy Koreya (38), Avstraliya (41), Qatar (59), Saudiya Arabistoni (67), Iroq (69), BAA (74), Xitoy (75), Suriya (76) va Ummon (82) terma jamoalari bizdan yuqori pog‘onalarni band etishgan.

Umumiy reytingni ham Belgiya terma jamoasi boshqarib turibdi. Fransiya va Braziliya kuchli uchlikka, Angliya va Portugaliya termalari esa kuchli beshlikka kirishgan. Argentina, Ispaniya, Urugvay, Meksika va Italiya termalari top-10ga kirishgan.

FIFA reytingi (top-10):

1. Belgiya (1780 ochko)
2. Fransiya (1755)
3. Braziliya (1743)
4. Angliya (1670)
5. Portugaliya (1662)
6. Ispaniya (1645)
7. Argentina (1642)
8. Urugvay (1639)
8. Meksika (1632)
10. Italiya (1625)

Osiyo mamlakatlari reytingi:

27. Yaponiya (1502)
29. Eron (1496)
38. Janubiy Koreya (1465)
41. Avstraliya (1457)
59. Qatar (1387)
67. Saudiya Arabistoni (1353)
69. Iroq (1347)
74. Birlashgan Arab Amirliklar (1326)
75. Xitoy (1323)
76. Suriya (1313)
82. Ummon (1303)
85. O‘zbekiston (1283)