Bir necha daqiqa oldin Qo‘qondagi "Markaziy" o‘yingohida Coca Cola O‘zbekiston kubogi 1/8 final doirasidagi "Qo‘qon-1912" - "Surxon" uchrashuvi bo‘lib o‘tdi.

Uchrashuvnining birinchi bo‘limida mezbonlar katta ustunlikka ega bo‘lishlariga qaramay, raqib darvozasiga yo‘l topa olishmadi. Mehmonlarning "avtobus" himoyasini yorib o‘tib, zarba berish futbolchilarimizga qiyinchilik tug‘dirdi. Tanaffusga nursiz durang bilan chiqib ketishdi.

Ikkinchi bo‘lim ham qo‘qonliklarning hujumlari bilan boshlandi. Bo‘lim boshida uzoq tanaffusdan keyin Shohnazar Norbekov maydonga tushdi.

49-daqiqada Rustamov hamda Norbekovlar ishtirokida chiroyli kombinasiyaning guvohiga aylandik. "Qo‘qon-1912" 57-daqiqada futbolchilarimiz hisobni ochdi. Chap qanotdan Muhammadanas Hasanov darvozabon maydonchasiga juda yaxshi uzatmani amalga oshirdi. Norbekov esa to‘pga biroz tegib yo‘nalishni darvoza tomon o‘zgartirib qo‘ydi. Sardor Azimov esa uzoq burchakda hujumni yakunlab, raqib darvozasini aniq nishonga oldi.

64-daqiqada Shohnazar Norbekov raqib darvozasini ishg‘ol qildi. Norbekov qaytishini gol bilan qarshi oldi. 69-daqiqada hisob yiriklashdi. Sobit Sindarov qulay imkoniyatdan  samarali foydalandi.

Goldan keyin Ashurmatov shogirdlari tinimsiz hujumlar tashkil etishdi va 87-daqiqada futbolchilarimiz to‘rtinchi golni kiritishdi. Avazxon Mamatxo‘jayevning uzatmasidan so‘ng Akbarov boshi bilan raqib darvozasini ishg‘ol qildi.

Shu tariqa, «Qo‘qon-1912» O‘zbekiston kubogi chorak finaliga yo‘llanmani qo‘lga kiritdi.

O‘zbekiston Coca Cola kubogi. 1/8 final
“Qo‘qon-1912” – “Surxon” – 4:0 (0:0)
Hakamlar: G‘ayrat Jo‘rayev, Ruslan Serazitdinov, Oybek Kallaxo‘jayev, Doston Mirzaraimov.
Nazoratchi: Timur Abdullayev.
Komissar: Zohid Akramov.
Gollar: Sardor Azimov (57), Shohnazar Norbekov (63), Sobit Sindarov (68), Bobur Akbarov (87).
“Qo‘qon-1912”: 1. Botirali Ergashev, 4. Sobit Sindarov, 5. Jasur Yoqubov, 10. Quvondiq Ro‘ziyev (15. Oybek Rustamov -46), 13. Sardor Azimov, 14. Avaz Mamatxo‘jayev, 20. Iqbol Malikjonov (3. Bobur Akbarov-82), 22. Muhammadanas Hasanov, 23. Aleksandr Merzlyakov (37. Muxsin Normatov -71), 70. Murod Xolmuhammedov (39. Sardor Yetovqo‘ziyev – 71), 99. Bek Abdullayev (7. Shohnazar Norbekov – 46).
“Surxon”: 86. Davron Merganov, 6. Rahmatullo Berdimkrodov (24. Otabek Mustafoqulov – 73), 7. Nizom Norov, 13. Dilshod Rashidov, 14. Farhod Mamatqulov, 28. Behruz Qulmatov (22. Sanjar Ahmedov – 46), 29. Muhammad Nomozov, 60. O‘ral Choriyev, 70. Ibrohim Yo‘ldoshev, 71. Shahzod Tairov, 88. Asadbek Hamzayev.