El País tarqatgan xabarga ko‘ra "Barselona" bosh murabbiyi Ronald Kuman va yarim himoyachi Rikard Puchlar o‘rtasida bir necha oy oldin ziddiyat yuzaga kelgan.
Kiyinish xonasida jamoaning barcha boshqa futbolchilari oldida Kuman 21 yoshli futbolchiga: "Sen ma’lumot tarqatuvchisan", degan. Ommaviy axborot vositalariga jamoaning ichki ma’lumotlarini aynan Puch tarqatyapti degan gumon bor.
Sentyabr oyida Kuman va Puch o‘rtasidagi suhbat tafsilotlari haqida ma’lumot paydo bo‘lgandi. O‘shanda niderlandiyalik murabbiyning o‘yin tizimiga Puch to‘g‘ri kelmasligi aytilgadi. Shuningdek, Kuman Puchga ehtiyoj sezmasligini ham bildirgandi.