Marat Miftaxuddinov murabbiyligidagi «Bunyodkor» bugun ilk nazorat uchrashuvini o‘tkazdi.
Murabbiylar shtabi «Rubin»ga qarshi o‘rtoqlik o‘yinida ko‘rikda bo‘lib turgan futbolchilarning xizmatidan foydalandi. Shuningdek, o‘rinbosarlar tarkibidan jalb qilingan o‘yinchilar ham maydonga tushdi. Bellashuvda «Rubin» hisobni ochdi. Ikkinchi bo‘limda to‘liq yangilangan tarkib mehmonlar darvozasini uch bor ishg‘ol qildi. Muslim Qurbonov dublini nishonlagan bo‘lsa, yana bir golga Abduqodir Hamraliyev mualliflik qildi. Bellashuvdan so‘ng ko‘rikdagi aksar o‘yinchilarga ruxsat berildi.
Ko‘rikdagi futbolchilar o‘rtoqlik uchrashuvida maydonga tushishidan avval o‘tgan mavsum jamoaning asosini tashkil qilgan o‘yinchilar jismoniy yuklamalarga asoslangan mashg‘ulotlarda qatnashdi.
O‘rtoqlik uchrashuvi
«BUNYODKOR» - «RUBIN» - 3:1 (0:1)
11 yanvar. Toshkent. «Bunyodkor» akademiyasi maydoni.
«Bunyodkor»: Ravshan Yagudin, Javohir Ro‘ziyev, Islomjon Karimov, G‘ayrat Azizxo‘jayev, Muhammadali G‘iyosov, Ruslan Akchurin, Saidmahmudxon G‘ulomov, Bahodir Abduvaliyev, Shamsiddin Sa’dullayev, Islom Ismoilov.
Zaxiradagilar: Umid Hamroyev, Bahodir Daminov, Mirjalol Mirsaitov, Muslim Qurbonov, Abdulloh Mahkamov, Nozim Rustamov, Humoyun Sherbo‘tayev, Aram Markaryan, Emil Lelanu, Abduqodir Hamraliyev.
Gollar: Muslim Qurbonov (2ta), Abduqodir Hamraliyev.
