Xabaringiz bor, kuni kecha "Nasaf" rahbariyati Qashqadaryo viloyati hokimi Zoyir Mirzayev qabulida bo‘lishdi. Uchrashuv tafsilotlari haqida jamoa bosh direktori Sergey Kucherenko klub rasmiy saytiga intervyu berdi.

«Kecha klubimiz rahbariyati, jamoamiz bosh murabbiyi Ro‘ziqul Berdiyev va bosh homiyimiz “Sho‘rtangaz kimyo majmuasi» direktori Shuhrat Aslanov bilan birgalikda Qashqadaryo viloyati hokimi Zoyir Mirzayev qabulida bo‘ldik. Yuqori darajada tashkil qilingan uchrashuvda viloyat rahbarlari, O‘zbekiston futbol assosiasiyasi vakili Rahmiddin Zikriyayev, viloyat sport qo‘mitasi, viloyat futbol assosiasiyasi rahbariyati ham qatnashdi. Yig‘ilishda «Nasaf» futbol klubida yig‘ilib qolgan moliyaviy muammolar hamda jamoa kelajagi keng muhokama qilindi. Zoir Toirovich klubdagi  muammolarni hal qilishda amaliy yordam berishini ta’kidlab o‘tdi. Jamoamizning taqdiriga befarq bo‘lmagani uchun viloyat rahbariyatiga  hamda har qanday vaziyatda ham sevimli jamoalarini qo‘llab-quvvatlab turgan sodiq muxlislariga o‘z minnatdorchiligimni bildirib o‘taman» — deydi Sergey Kucherenko.