Xabaringiz bor, 2-3 fevral kunlari futzal bo‘yicha O‘zbekiston milliy terma jamoasi Argentina bilan Toshkentda o‘rtoqlik o‘yinlari o‘tkazadi.

Ushbu uchrashuvlarni o‘z nashrlarida yoritmoqchi bo‘lgan OAV vakillari maxsus akkreditasiya orqali o‘yin oldi matbuot anjumani, rasmiy mashg‘ulotlar va «O‘zbekiston» sport majmuasiga kirishlari mumkin.

Sportga ixtisoslashgan OAV vakillari 29 yanvar soat 09.00ga qadar media@ufa.uz elektron pochtasiga uchrashuvga tashrif buyuradigan 4 nafargacha bo‘lgan xodimlar ro‘yxatini yuborishi so‘raladi.

Ushbu muddat ichida rasmiy tarzda xabar yubormagan OAV vakillari o‘yin oldi tadbirlar va O‘zbekiston - Argentina o‘rtoqlik o‘yinlariga tashrif buyura olmaydi. Tadbirlarda sanitariya qoidalariga amal qilish so‘raladi.

Shuningdek, ushbu o‘yinlar avvalidan ikki terma jamoa bosh murabbiylari ishtirokida matbuot anjumani tashkil etiladi. 1-fevral kuni «Hilton» mehmonxonasida o‘tadigan anjuman soat 14.30 da boshlanadi.