Futzal bo‘yicha milliy terma jamoamiz Argentina bilan ikkinchi bahsda ham ishtirok etdi va kichik, 0:1 hisobida imkoniyatni boy berdi.
Terma jamoamiz yosh a’zosi Husniddin Nishonov o‘chrashuvdan keyingi taassurotlari haqida gapirdi.

"Jahon chempionlariga qarshi o‘ynash men uchun juda yoqimli va maroqli bo‘ldi. Nasib bo‘lsa, bu safar jahon chempionatiga yo‘l olsak u yerga eng yosh ishtirikchi bo‘lib boraman. Ular o‘z nomiga va mavqeyiga munosib jamoa ekanligini isbotlashdi.

Bizga vaziyatlardan foydalanishda biroz sovuqqonlik va bosiqlik yetishmadi deb hisoblayman. Kuchli pressing namoyish etganimiz sababli o‘yin oxirida bir oz charchab qoldik.

Birinchi to‘qnashuvda yigitlarda ozgina hayajon bor edi. Ikkinchi o‘yinda esa biz xotirjam bo‘ldik. To‘p nazoratini o‘rnatdik, vaziyatlar yuzaga keltirdik. Umuman olganda, Argentinadek jamoa uchun munosib raqib bo‘la oldik"