Argentinalik murabbiy Maurisio Pochettino parijliklarning Fransiya chempionati doirasida, «Monako»dan uchralgan(0: 2) mag‘lubiyatiga izoh berdi.
«Biz o‘yinni yaxshi boshladik, ammo gol o‘tkazib yubordik. Raqib himoyada juda yaxshi o‘ynadi. Biz to‘p nazoratini yaxshi yo‘lga qo‘ydik, ammo hujum chizig‘ida samarali, yakunlovchi qarorlar yetishmadi.
"Monako" o‘z imkoniyatlaridan foydalandi biz esa yo‘q. "Liga 1"da chempionlik ehtimoli? Ko‘rinib turgan haqiqat shuki, biz chempionatda oltinchi marta yutqazdik. Ammo, imkoniyat bor ekan, biz doim kurashishda davom etamiz", - deydi Pochettino.
Ma’lumot o‘rnida, parijliklar bugungacha 54 ochko to‘plagan holda Liga 1 turnir jadvalining uchinchichi pog‘onasidan joy olgan.
