«Chelsi» jamoa hujumchisi Temmi Abraham bilan shartnomani uzaytirmoqchi emas. The Athletic xabariga ko‘ra, klub hujumchi Oliviyer Jiruning o‘yinidan mamnun va shu yilning yozida tugaydigan shartnomani fransuz futbolchisi bilan uzaytirishi mumkin. Yana«Ko‘klar»ning asosiy transfer maqsadi «Borussiya Dortmund» futbolchisi Erling Holand ekanligini hisobga olsak, Abrahamni londonliklar safidan ketish ehtimoli oshadi. Chunki, uning shartnomasi 2023 - yining yozigacha mo‘ljallangan va jamoa Temmining narxi tushmasdan turib, uning transferidan maksimal darajada foydalanishni maqsad qilgan ko‘rinadi.
Qayd etilishicha, Temi Abrahamning o‘zi jamoadan ketishni xohlamayapti. U «Chelsi»da qolishni va asosiy tarkib uchun kurashni davom ettirishni xohlamoqda.
Joriy mavsumda 23 yoshli hujumchi Angliya Premer-ligasida 20ta o‘yin o‘tkazdi, 6ta gol urdi va 1ta golli pas berdi.
