Madridning «Real» klubi «Lion» xavbeki Ussem Auar xizmatlariga qiziqish bildirmoqda.

Ispaniya matbuoti tarqatayotgan ma’lumotlarga ko‘ra, «qirollik klubi» bu yo‘lda «Yuventus» bilan jiddiy kurash olib borishiga tog‘ri keladi. Chunki Ussem turinliklar bilan allaqachon shartnomaning dastlabki bandlari bo‘yicha kelishib bo‘lgan.

Endi «Real» fransuzni La Ligaga ko‘chib o‘tishiga ko‘ndirib ko‘radi. Buning uchun klub 60 millionning ham bahridan kechishga tayyor.

Auar joriy mavsum 24 uchrashuvda maydonga tushib o‘z hisobiga 6 gol va 3 assistni yozdirib qo‘ygan.