Italiya A ceriyasi 26-turi doirasidagi qiziqarli va shiddatli kechishi kutilgan «Yuventus» va «Lasio» jamoalari o‘rtasidagi uchrashuv bo‘lib o‘tdi. Yetakchi «Inter» jamoasini ta’qib etayotgan «keksa sinyora» klubi «burgutlar»ga qarshi uchrashuvni qanday bo‘lmasin g‘alaba qozonishi talab etilardi va buni amalda ham uddalashdi. Turindagi «Alyans» stadionida kechgan mazkur bahs avvalidan ikki jamoa uchun ham g‘alaba muhimligi sababidan tomoshabop o‘yin  kutilgandi. Garchi, uchrashuv teng kurashlar ostida boshlangan bo‘lsa ham, o‘yindagi hisobni mehmonlar jamoasi ochishga erishdi. 14 - daqiqa ketayotgan bir paytda, «Lasio»ning argentinalik futbolchisi Xoakin Korrea uchrashuvdagi hisobni ochishga erishdi.  Keyinchalik, o‘z o‘yinini tiklashga uringan Pirlo shogirdlari ham birin-ketin xavfli hujumlar uyushtirishni boshladi va buni 39 - daqiqaga kelib amalda isbotlashdi ham. Morata uzatib bergan to‘pni Adriyen Rabyo gol bilan yakunladi. Qarama-qarshilikning birinchi bo‘limi 1:1 hisobidagi durang bilan yakunlandi. Ikkinchi taymni biroz ustunlik bilan boshlagan mezbonlar, taym boshlanishidan bir qancha hujumlar uyushtirishga harakat qildi. Bu hujumlarni biri 57 - daqiqaga kelib gol bilan yakunlandi. Alvaro Morata gol urib, jamoasining 2:1 hisobida oldinda borishini ta’minladi. Oradan bir necha daqiqa o‘tib, mezbonlar penalti tepish huquqini qo‘lga kiritishdi. To‘p qarshisiga kelgan ispaniyalik futbolchi, jarima zarbasini aniq amalga oshirdi va o‘yindagi dublini rasmiylashtirdi.

"Yuventus" - "Lasio" 3:1

Gollar: Rabyo (39), Morata (57, 60 penalti), Korrea (14)

"Yuventus": Shensniy, Kuadrado (Artur 70), Danilo, Demiral, Aleks Sandro, Kyeza (Bonuchchi 82), Rabyo, Remzi (Makkkenni 70), Bernardeski, Kulusevski Di Pardo 90), Morata (Ronaldu 69).

 "Lasio": Reyna, Marushich (Pereyra 82), Xudt, Acherbi, Lulich (Gabarron 55), Milinkovich-Savich, Lukas Leyva (Eskalante 55), Alberto (Kaysedo 82), Fares, Korrea, Immobile (Muriki 82).